Валютын ханш :

2020 оны 12 сарын 4, 5, Баасан гараг

Турахад саад болдог арван хүчин зүйлийг нэрлэж байна

Хооллолтдоо анхаарч, спортоор хичээллэсэн ч турахад тань ямар нэгэн зүйл саад болоод байна уу? Турахад саад болдог үл мэдэгдэх хүчин зүйлүүдийг нэрлэе. 

Хортой хоол хүнс

Турахад хоногт авч буй илчлэгээ багасгахаас гадна хортой нөлөөтэй хоол хүнсээ багасгах хэрэгтэй. Тухайлбал, пицца идэхээ боль.

Ургамлын гаралтай уураг дутагдах

Уураг нь цадсан мэдрэмжийг нэмж, булчин, арьс, ясанд ашигтай. Гэхдээ зөвхөн махаар уургаа нөхнө гэвэл энэ нь эрүүл мэндэд ашиггүй. Самар, цөмдөг самар, бүх үр тариа нь хоолны дэглэмд байх ёстой!

Ашигтай хүнсээ хэтрүүлэх

Орой зайрмаг иддэг зуршлаа йогуртаар сольсон гээд та их идэж болно гэсэн үг биш. Хүнсний ногоог л их идэж болно.

Дасгал бага хийх

Явган алхах нь маш ашигтай ч жингээ хасахын тулд нэг км алхах биш хамгийн багадаа 10 км алхах хэрэгтэй. Эсвэл дугуйгаар яв.

Хийжүүлсэн ундаа уух

Хийжүүлсэн ундаа уухаас өөр муу зуршилгүй байлаа ч энэ ундаа нь маш хортой. Энэхүү уудаг сахар нь хоол хүнсэндээ сахар хэрэглэснээс ч хортой. Кола болон бусад чихэрлэг хийжүүлсэн ундааны араас та бас их идэх болно.

Нойр дутуу байх

Хоногт хамгийн багадаа 7 цаг унтах ёстой. Бие организмынхаа хэрэгцээ шаардлагыг зөрчсөнөөр та хоолны дуршил болон цатгалан мэдрэмжийг зохицуулдаг дааврын өөрчлөлтөд орж, турах мөрөөдлөө талаар болгоно.

Суугаа ажил

Өглөө босоод тээврийн хэрэгсэлд суугаад ажилдаа очно. Дараа нь ажил дээрээ сууж байгаад гэртээ ирээд зурагтын өмнө сууна. Тэгээд унтахаар хэвтэнэ. Хөдөлгөөн хаана байна? Үнэндээ хаана ч алга.

Байнга идэх

Өдөрт зургаан удаа бага порцоор хооллох нь гурван удаа ердийн байдлаар идэхээс дээр гэж зарим нь ярьдаг. Гэхдээ энэ нь бүх хүнд тохирохгүй.

Архи хэтрүүлэн уух

Архи, согтууруулах ундаа нь хийжүүлсэн ундааны адил хортой. Таны идэх дуршлыг нэмж, их идэхэд хүргэснээр турах хичээл зүтгэл талаар болно.

Стресс, депресс

Эдгээр нь турахад маш их саад болдог. Та зөв хооллож, дасгал хөдөлгөөн хийж байгаа ч турахгүй байвал сэтгэл зүйн тусламж ав.

Сэтгэгдэл үлдээх

Байнга шинэхэн мэдээлэл авах

Манай сайтад и-мейл хаягаа бүртгүүлснээр та цаг алдалгүй шинэхэн мэдээ мэдээлэл хүлээн авах боломжтой. Бид танд спам болон сурталчилгаа явуулахгүй болохыг нууцлалын бодлого хэсэгт тусгасан байгаа