Английн Ерөнхий сайд Борис Жонсон өчигдөр улсдаа хоёр дахь удаагаа хатуу хөл хорионы дэглэмд шилжихээс өөр аргагүйд хүрсэн тухай зарлав. Covid-19 халдвар тус улсад эрчимтэй тархаж буйтай холбоотойгоор ийнхүү хатуу хөл хорио тогтоожээ. 

Хөл хорио энэ сарын 4-нөөс эхлэн хоёрдугаар сарын 22 хүртэл үргэлжлэх аж. Хөл хорионы үеэр:

-Иргэд өдөрт нэг удаа гэрээсээ гарч дасгал хийх

-Хүнсний дэлгүүр, эмийн сангаас бусад бүх худалдаа үйлчилгээний байгууллагуудын үйл -ажиллагааг зогсоох

-Ресторанууд зөвхөн хоол хүргэлтийн үйлчилгээ явуулах

-Гольф, теннис зэрэг гадаад орчинд спортоор хичээллэхийг хориглох

-Олон нийтийг хамарсан тэмцээн уралдаан болохгүй. Гэхдээ Прьемер лиг гэх мэт мэргэжлийн спортын тоглолтууд үргэлжилнэ.

-Иргэд ажилдаа явахаас бусад зорилгоор гэрээсээ гарахгүй байх, эсвэл аль болох гэрээсээ ажиллах

Бүх шатны сургуулиудын танхимын сургалтыг зогсоох зэрэг арга хэмжээг авах юм байна.